Riżorsi Lessikali

Riżorsi Lessikali Ġenerali
Ġabra Lessikali għall-Ilsien Malti

Dizzjunarju Malti-Ingliż, li jagħti wkoll il-forom morfoloġiċi ta' kull kelma. L-entraturi huma miġbura skont il-lemma u l-għerq, b'tifsiriet bl-Ingliż u forom inflettivi.
Il-Ġabra toffri wkoll api mibni fuq web service għall-iżviluppaturi, kif ukoll possibbilta' li titniżżel il-ġabradati sħiħa.

Aktar informazzjoni

Il-Ġabra nibtet minn proġett ta' John J. Camilleri, bħala kollezzjoni opportunistika ta' riżorsi, ibbażata kemm fuq ġenerazzjoni awtomatika ta' forom, kif ukoll il-ġbir ta' riżorsi onlajn eżistenti. Mill-2015, beda proġett ta' żvilupp, bil-għajnuna ta' Maria Theresa Abdilla u John Paul Grima, u l-kollaborazzjoni u sapport tal-Kunsill Nazzjonali tal-Ilsien Malti, l-Awtorita Maltija dwar il-Komunikazzjoni, il-Vodafone Foundation, u Infusion Ltd.

Lingwa tas-Sinjali
Dizzjunarju tal-Lingwa tas-Sinjali Maltija

Dizzjunarju multi-modali dwar il-Lingwa tas-Sinjali Maltija.

Further info

Id-Dizzjunarju huwa editjat minn Marie Alexander u Maria Galea. Huwa frott ta' proġett fi ħdan l-Istitut tal-Lingwistika u t-Teknoloġija tal-Lingwa, l-Università ta' Malta. Kellu wkoll involviment sħiħ minn membri tal-Komunità Deaf f'Malta.

Riżorsi Lessikali Storiċi
Taħt żvilupp
Ġabra tal-Malti Qadim

Dizzjunarju tal-Malti qadim, li jiġbor fih kliem meħud minn għejun storiċi (ta' bejn is-seklu 16 u 19), b'korrispondenza mal-lemmi fil-Malti kontemporanju u eżempji fil-kuntest tad-dokumenti oriġinali.
Aktar informazzjoni

Il-Ġabra tal-Malti Qadim hija frott il-kollaborazzjoni mad-Dipartiment tal-Malti, taħt id-direzzjoni ta' Olvin Vella, b'riċerka minn tim ta' studenti.

Riżorsi lessikali oħrajn
fajl (xls)
L-Għeruq fil-Malti

Din hija lista kompluta tal-għeruq u l-forom tal-verbi fil-Malti, li nġabret mid-dizzjunarju monolingwi ta' Serracino-Inglott (1975-1989), id-dizzjunarju bilingwi ta' Aquilina (1987-1990), u l-lista ta' verbi misselfa li Mifsud (1995, Loan Verbs in Maltese, NY: Brill, pp. 272-295) iqis li ġew integrati fis-sistema tal-għerq Malti.

 fajl (xls)
Il-Plural Miksur

Din hija ġabra kbira ta’ plurali miksurin fil-Malti li dammha Michael Spagnol bil-għajnuna ta’ Thomas Mayer u Florian Schönhuber. Il-ġabra fiha 654 koppja ta’ singular u plural miksur u hi msejsa prinċipalment fuq il-lista ta’ plurali miksurin li ġabret Tamara Schembri (The broken plural in Maltese – A description. Bochum: Brockmeyer, 2012), b’xi żidiet ’l hemm u ’l hawn. Id-dizzjunarji tal-Malti jelenkaw ’il fuq minn 2,000 forma tal-plural miksur (cf. Cardona 1996, Il-Morfoloġija tal-Plural fil-Malti. Dissertazzjoni tal-M.A., l-Università ta’ Malta), iżda aħna nibbażaw l-istudju tagħna fuq ġabra wiesgħa ta’ plurali miksurin li, tista’ tgħid, ikollu ħakma tagħhom kelliem edukat tal-Malti.